بهدوء المسئولية والحياة الزوجية

بقلم ..  إبراهيم فياض

المسئولية في الحياة الزوجية هي علاقة قوية لأنها حياة أبدية لكل من أراد السعادة الزوجية كما أنها  ارقي علاقه بتدخليها في حياتك خصوصا لو كان الراجل دا حبيبك لأنكي تتركي بيت اهلك وفي لحظه بتلاقي نفسك مع راجل غريب عليكي بقا هو أول وأكبر مسؤلياتك ولازم تبقي واخده بالك اوي من كل تفاصيل حياته لبسه اكله شغله ولازم توفري مناخ مناسب ليه علي حسب شخصيته علشان يبقي هو مرتاح وهو رايح شغله ويبقي فى امان وهو في بيته

هو الراجل محتاج أمان المرأة الداخلي الذي يسكن روحها من الداخل

اه طبعا محتاج امان امانه في اخلاصك ليه ف أنه يبقي طول الوقت مطمن بيكي وباحساسك بيه وبخوفك عليه واهتمامك بيه ولأنك تحسسيه أنه فعلا راجل ومكفيكي جدااااا وان اللي بيعمله مهما كان صغير ف هو أكبر حاجه في الدنيا واحلي حاجه في عنيكي

الحياه الزوجيه مش بيت وحيطان وابواب وعفش احسن موديل لأ دا طمئانينة وأمان وحنان

لا دا روح وأمان وحاجات حلوه كتير وحاجات وحشه كتير …. وان الزوج دا هو ابوكي التاني وأنه كل حاجه في حياتك هو امانك وحمايتك وضهرك وسندك هو اللي بيبقي مستني الدعوه الحلوه وهو نازل الشغل والإبتسامة اللي تنور يوم اول ما يصحي والكلمه الطيبه لما يدخل بيته والطبطبه في وقت الوجع والتعب

من الاخر انتي لما بتروحي بيت جوزك بتكوني ام لابنك البكري اللي هو جوزك

مسؤولية الراجل كبيرة جدا لأنة هو الحصن الحصين للزوجة في كل مكان وزمان كان

دي حاجه كبيره عليكي جدا انك بدل ما كنتي ابنه في بيت هتبقي انتي عمود بيت تاني وعليكي كل حاجه اتجاه ولازم تلتزمي بيها صح خليكي دايما ملجاه وقت الشده خليكي دايما انتي محبباه فالبيت وأنه يبقي عايز يخلي شغله ويروح بيته

مسؤوليتك ناحيه الراجل حاجه مهمه ودي الوزنه اللي ربنا بيديلهاك قبل شغلك وحياتك الشخصيه

الراجل مهما كانت قوته أو ماله أو جاهه أو صيته هو طفلك المدلل هو ابنك البكري ومهما كان دخله ف دايما بصي ملامحه ولابديه قد ايه بيتعب علشان خاطرك انتي قد ايه بيبقي شايل الهم ليكي انتي بصي لنفسك انتي بقيتي جميله منين من تعبه هو سؤاء في بيت ابوكي ف انتي اتجملتي من تعبه أو بيت جوزك ف اكتمل جمالك من تعبه هو حافظي عليه

بالهدوء بالمحبه بالكلمه الحلوه بالابتسامه الرقيقه

متكونيش كتيره الشكوي يعني مش اول ما تشوفيه تقوليله الحق وحوش وانا تعبانه ودا ناقص ودا معرفش ايه والعيال مالهم والبيت ناقص

اختاري الوقت اللي تتناقشي وتتحاوري ليه

متعنديش علي الفاضي و المليان

مش كل حاجه انتي الصح فيها حتي لو كان غلطان ارضيه بكلمتين هتاخدي عنيه بيهم

اعمليله اي حاجه هيفرح بيها الراجل ابسط من اللي احنا متخيلينه وشايفينه الراجل طفل علي كبير اقل كلمه ترضيه وأقل كلمه تجرح كرامته

متخليهوش يحتاج لغيرك خليكي انتي الحياه اللي هو عايشها وفرحان بيها مش يبقي نازل من البيت وحاسس أنه خرج من سجنه خليه يستقوي بيكي وخليه يحب الحياه علشان انتي فيها صدقيني الموضوع ابسط من اللي احنا متخيلينه

مفيش حاجه اسمها خطافه رجاله وراجل خروف مشي وراها لا

في حاجه اسمها انا ست مقصره في بيتي مع راجلي وواحده تانيه اهتمت بيه

هتقزلبلي مش المفروض يروح لغيري مهما كنت وحشه

لا هي سيكولوجية الراجل كده هي طبيعته كدا بيعشق الاهتمام بيحب الحاجات الحلوه اللي المفروض انتي بتعمليها مش غيرك بتقدمها

عرفتو ليه نسبه الخيانه الزوجيه عليا

والطلاب كتير

لان انتي غلطانه من الاول في تقيمك ليه … وف حبك ليه

الحب اكبر من انك تمتلكيه

صدقيني لو بصيتي علي ملامح الإجهاد اللي علي وشه هتستحرمي تزعليه

لو روحتي بصيتي علي شغله وقعدتي انتي مكانه يوم مش هيهون عليكي تبيتيه زعلان

وكمان اختاري صح اختاري فعلا صديق واب واخ وحبيب قبل ما يكون زوج علشان تعيشي معاه صح

قبل ما تدخلي في علاقة فكري ف مسؤوليتك ناحيه الراجل دا ولو حسيتي انك مش قدها بيبي بيت ابوكي اولي بيكي

الحياه الزوجيه مش مسح وكنس وغسيل واكل ولا خروجات وفسح وكلام لطيف وبس

لا لا الموضوع اكبر من كدا بكتير اوي

وقبل كل دا قدري أن بيتك اللي تكون وشبكتك اللي طلبتيها وفرحك اللي بتتباهي بيه تعب سنين طويله علشان وصلك لليوم دا وبيتعب سنين اطول علشان يعيشك وفي النهاية الحياة الزوجية سكن للزوجين راحة للنفس البشرية