بقلم .. أ.د فتحى الشرقاوي
كمية من التنمر والتهكم غير العادية..
يتعرض لها في كل لحظه بعض البنات والاولاد
لمجرد انهم عندهم اضطراب الهوية الجنسية
في بنات صوتها خشن قوي مش ناعم ..
وعضلات أيديها ورجليها قويه وباينه قوي
كل اصحابها تقريبا في المدرسة أولاد….
هزارها ولعبها مع البنات وحركاتها عنيفه…
شعر دقنها وشنبها بيطلع بسرعه مهما حاولت تشيله
تكره المكياجات زي بقية البنات
لامه شعرها على طول بأستك ولابسه عليه ايس كاب
مابتحبش تحط اي إكسسوارات لا في وشها ولا ايديها ولا اي حته
على طول بتتريق على محن ونعومة البنات صاحباتها
دولابها مافيهوش فستان ولا تونك ولا جيبه
ملابسها كلها قمصان ولادي ورافعه الياقه لفوق
بنطلوناتها كلها جينز وجبردين ألوان غامقه وساده
كوتشيهاتها مافيهاش اي لمسه جماليه…
لو اتعزمت على سهرة فيها بنات يبقى يوم أسود
تحب تلعب وتمارس الألعاب العنيفة في النادي كراتيه جودو كونغ فو
اه..
لو حبيت تسلم عليها بأيدك ممكن تخلعهالك من كتر ضغطها عليك
مابتحبش جسمها ولا طايقاه..
ماتفضلش تقنع نفسك كأب او كأم ان دي حاجه حلوة وكويسه في البنت
ومبسوطين من شدتها وقوتها والهبل اللي بتفكروا فيه ده..
لو عندك حد قريب منك كده..( بنتك)
لازم تعرف انها بتعاني ومحتاجه مساعدة نفسيةعاجله.
ونفس الفكرة ..بعض الأولاد الذكور
تلاقيه طري وناعم قوي.
على طول ميال للبس ومكياجات البنات وملابسهن وقصات شعرهن وطريقة واسلوب مشيتهن ونفس افكارهن..
يبقى لازم تسرع في عرضه للفحص النفسي
ويمكن كمان للفحص الجنسي احتمال محتاج يتحول
التحويل من جنس الى اخر..
لا هو عيب..ولا هو حرام..
العيب والحرام ان بنت تعيش كولد محبوسه جوه جسمها الانثى.
العيب والحرام ان ولد يعيش دور الانثى محبوس جوه جسمه الذكر.
المسكوت عنه لازم يبان ويتعرف….
استقيموا يرحمنا ويرحمكم الله
#مجرد _خاطرة
ا د فتحي الشرقاوي ❤
أستاذ علم النفس جامعة عين شمس