بقلم .. أ.د / فتحي الشرقاوي
#أولا
حط نفسك أول قائمة الناس المهمين..
وتخلي أسمك رقم ١ في القائمة دي…
وبعدها حط اي اسماء تانية.
المهم ماتخليش حد قبلك..كلهم وراك…
وماتفضلش توجع دماغنا وتقول …
اصل أنا بحبهم أكتر من نفسي …
#ثانيا
اوعى تجبر نفسك على حاجه إنت رافضها..
من جواك ومش مستريح لها..
وماتفضلش تقول هم عاوزين كده…
اللي عم عاوزينه يعملوه هم……مش انت.
#ثالثا
ابعد تماما عن الاشخاص اللي دايما بيحسسوك
بالإحباط واليأس واعتزلهم تماما…
هتقولي اصلهم قريبين مني…
هقولك ابعد..والحق ماتبقى من نفسك..
#رابعا.
أدعم الحس الفكاهي عندك…
حاول تبتسم وتضحك…وتبعد عن اجواء الكأبه
ده حتى وشك من كتر النكد بدأ يشقق ويفلق
أفتح مع غيرك موضوعات تتسم بالفرح وروح الفكاهه
وافتح موضوعات يغلفها روح الأمل والتفاؤل
#خامسا
كافئ نفسك بهدية في حال نجاحك ..
في أي عمل تفوقت ونجحت فيه..
ماتنتظرش حد يحتفي ويحتفل بيك..
احتفل انت بنفسك لنفسك…
زي ما بتعمل مع غيرك في حال نجاحه…
ليه بتسعد غيرك بمكافئته وتحرم نفسك أنت من المكافأة دي
#سادسا.
ماتفضلش ترخص نفسك وتظهر وتبين نفسك
على طول انك ضحيه والناس ظلماك وبيفتروا عليك
ونازل تتسول منهم العطف والطبطبه والحنية
سيبك من نظام وجو الصعبنيات ده..
الناس مابتحترمش غير قوي الشخصية
#مجرد _خاطره
أ. د. فتحي الشرقاوي.
أستاذ علم النفس جامعة عين شمس